Ньурба тыйаатырын үлэһиттэрэ бүгүн Степан Васильев болуоссатыгар СӨ Судаарыстыбаннаһын күнүгэр анаммыт үөрүүлээх миитиҥҥэ сылдьан улуус баһылыгын 1-кы солбуйааччыта Василий Семенов, Ньурба куорат баһылыга Геннадий Игнатьев, сэрии оҕолорун Сэбиэтин бэрэссэдээтэлэ, КПРФ райкомун бюротун чилиэнэ Иван Николаев, ыччат дьыалатын уонна имидж бэлиитикэтин управлениетын проектнай отделын салайааччыта Елена Дьячковская, А.Н.Чусовской аатынан Ньурбатааҕы техническэй лицей 10 кылааһын үөрэнээччитэ Иннокентий Охлопков эҕэрдэлэрин иһиттилэр, киэҥ түһүлгэлээх оһуохайга кыттыстылар.

    Таһырдьа хараҥарбытын кэннэ  Судаарыстыбаннас күнүгэр анаан  СӨ култууратын туйгуна Олег Конощук, Евгений Григорьев монтажтаан оҥорбут видеолара Ньурба тыйаатырын тас  фасадыгар холбонон Ньурба куоратын киэргэттэ.

А.Комогорцева хаартыскаҕа түһэриитэ