Ньурба тыйаатырын айар 6өлөҕө Арассыыйаҕа дьиэ кэргэн, Саха сиригэр оҕо сылын чэрчитинэн балаҕан ыйын 22 күнүттэн 29 күнүгэр диэри ыаллыы сытар Үөһээ Бүлүү улууһугар гостуруоллуур.
Айар бөлөх салайааччыта СӨ култууратын туйгуна Леонид Анисимов, бөлөх састаабыгар СӨ үтүөлээх артыыскалара Майя Слепцова, Венера Никитина, СӨ култууратын туйгуннара Артур Евсеев, Станислав Фокин, Вера Лазарева, Сардаана Михайлова,эдэр артыыстар Саргылан Третьяков, Никита Григорьев, Эдуард Иванов, уот оператора Константин Михайлов бааллар. Гостуруолдьуттар сылдьыбыт бастакы нэһилиэктэринэн Дүллүкү буолла. Нэһилиэк кырачаан олохтоохторо Сергей Козлов остуоруйатын матыыбынан Маргарита Васильева -Хотууна туруорбут «Тили-милитрямдия» (0+) куукула испэктээгин сөбүлээн көрдүлэр.
Киэһэ артыыстар калмык норуодунай суруйааччыта Алексей Балакаев «Ийэ сүрэҕэ» айымньытынан СӨ ускуустубатын үтүөлээх диэйэтэлэ Юрий Макаров туруорбут испэктээгин көрдүлэр. Испэктээктэр быыстарыгар эдэр артыыстар Никита Григорьев, Саргылан Третьяков Дүллүкү оскуолатын үөрэнээччилэригэр маастар-кылаас ыыттылар, тыйаатыр туһунан кэпсээтилэр.
Л.Анисимов хаартыскаҕа түһэриилэрэ
