От ыйыгар Сахабыт сиригэр ыытыллан историяҕа киирбит улахан тэрээһиннэргэ Ньурба тыйаатырын ыччаттара эмиэ кыттыспыттара.  Уус Алдан улууһугар Бороҕоҥҥо Саха сирин норуоттарын VIII спортивнай оонньууларын түмүктүүр дьоро киэһэтигэр, Саха сирин IX спортивнай оонньуулара 2027 сылга Күөх Ньурбаҕа ыытыллара биллэриллибитэ, Уус Алдан улууһун баһылыга Алексей Федотов өрөгөйдөөх быһыыга-майгыга улуус Сүбэтин бэрэссэдээтэлэ Сергей Евсеев, Пекиннээҕи Олимпиада боруонса призера, Европа 3 төгүллээх, Арассыыйа элбэх төгүллээх чөмпүйүөннэрэ, спорт үтүөлээх маастара, СӨ Ил Дарханын сүбэһитэ Георгий Балакшин уонна Ил Түмэн Бэрэссэдээтэлин солбуйааччыта Антонина Григорьева салайааччылардаах оройуоммутдэлэгээссийэтигэр Спартакиада былааҕын туттарбыта. Бу үөрүүлээх түгэҥҥэ кыттыбыт артыыс Александр Кириллин“Спартакиада үөрүүлээх сабыллыытыгар  Ньырбакаан уола буолан кыттыспыппыттан үөрэбин. Сүрдээх улахан тэрээһин, Уус Алданнар күүскэ үлэлээбиттэр. Ньурба оройуонун култууратын бэрэстэбиитэллэрэ Розалия Михайловна, Альбина Ивановна, Анна Витальевна, Александр Васильевич, Розалия Васильевна, эмчит Алиса Ивановна, уо.да атыттар буолан Чаппандаттан төрүттээх Валентина уонна Николай Жирковтарга түспүппүт. Барыта этэҥҥэ ааспыта. Соторутаа5ыта  «Саха” НКИХ тэрийэн ыытар “Арыыга” реалити-шоуга бырайыагар кыттан кэллим.”

    Оттон “Табысыччат өрөспүүбүлүкэтээҕи культурнай- үөрэх фестивалыгар кыттыбыт эдэр артыыс Петр Филиппов маннык кэпсээтэ:

Биһиги от ыйын 14 — 16 күннэригэр кырылас кумахтаах Бүлүү куоратыгар “Таптаа Алҕаа Байыт Ытык Сиргин” — «ТАБЫС» республиканскай ыччат фестивалыгар Ньурба тыйаатырыттан  СӨ култууратын туйгуна Прокопий Федоров, Роман Семенов уонна мин Ньурба ыччаттарын дэлэгээссийэтин састаабыгар киирэн кыттан кэлбиппит. Бу фестивальга уопсайа 16 улуустануонна 6 ыччат уопсастыбаннай тэрилтэлэриттэнкыттааччылар бааллара, үөрэх, спорт, култуурахайысхаларынан күрэхтэһиилэр буолбуттара: театрализованнай көрдөрүү, хапсаҕай, байыаннай эстафета, иистэнньэҥнэр күрэхтэрэ, эдэр ыаллар ортолоругар уо.д.а. Тэрийии өртүнэн үлэ бөҕөтө барбыт этэ, «Хомустаах» культурнай-этнографическай комплексыгар улуустары тус туспа түһүлгэлэринэн түһэртээбиттэрэ, онно бары балааккаларбытын туруорбуппут. Сүрдээх үчүгэй тэрээһин буолбута, элбэх ыччаттары кытта билсэн, оонньоон-көрүлээн, доҕордоһон кэлбиппит.»