Бүгүн Ньурба тыйаатырын төрүттэспит СӨ норуодунай артыыһа Зоя Петровна Багынанова 80 ытык сааһын туолар үөрүүлээх күнэ.

Ньурба тыйаатырын бары дьонун аатыттан куруук  аламаҕайдык  ахтар, ытыктыыр, таптыыр, сүгүрүйэр кунду киһибитин эҕэрдэлиибит!

Эдэр сааскар Ньурба тыйаатырыгар үлэлээбит кэмңэр А.Фадеев «Эдэр гвардиятыгар», Суорун Омоллоон «Күкүр Ууhугар» Буойаны, Н.Якутскай «Тѳлкѳтүгэр» Маайаны оонньоон айар суолуң аартыга аhыллыбыта. Кэлин биhиги тыйаатырбытыгар олоҕуң доҕорунаан Федот Потаповтыын үлэлии сылдьан А.Островскай «Дохуоттаах миэстэтигэр», «Мэник Мэнигийээн» остуоруйаҕа чаҕылхай уобарастары айбытыҥ,  Ньурбаттан тѳрүттээх саха маңнайгы поэтессатын Варвара Потапова хоhооннорун маңнайгынан сценаттан ааҕан уус-уран ааҕыы курдук уустук кѳрүңү сайыннарбытыҥ. Билигин Саха тыйаатырыгар эдэрдэргэ холобур буолан айымньылаахтык үлэлии сылдьаргыттан үөрэбит, киэн туттабыт. Айар талба талааныҥ, тобуллаҕас толкуйуҥ арыллан истин!

Айыы киһитин сирдээҕи олоҕун сирдиир үтүө санаалаах айыыларбыт – Ахтар Айыыһыт, Эдьэн Иэйэхсит араҥаччылаан сырыттыннар! Эйиэхэ уонна дьиэ кэргэҥҥэр мэлдьи ситиһии эрэ эҥээрдэстин, куруук дьол-соргу эрэ тосхойдун! Алгыс баһа сыаланнын!