1941-1945 сыллардааҕы Аҕа дойду Улуу сэриитэ — биһиги норуоппут ытык өйдөбүлэ.

Бүгүн биһиги норуоппут олоҕун атыйахтаах уулуу аймаабыт алдьархайдаах сэрии ыар сылларын кэриэстиир, сүгүрүйэр ытык күммүт. Уоттаах сэриигэ хорсун быһыыны оҥорбут, тыылга Кыайыыны дьулуурдаахтык уһансыбыт биир дойдулаахтарбытыгар сүгүрүйэбит.

Түрүлүөн түрбүөннээх
Түөрт уон биир сыллаахха,
Алаастан, үрэхтэн
Аттанан баартара…
Сибиньиэс силлиэртээх
Силлиэлээх буур5а5а
Төлөннөөх түөстэрин
ТоҺуйан биэртэрэ!

Өлбүттэр сүппэттэр,
Өлбүттэр өспөттөр,
Өйдүүллэр олору
Мөлүйүөн сүрэхтэр!
Ол Улуу кыайыыны
Оҥорбут дьоннору
Күндүтүк саныа5ыҥ,
Көмүстүү тутуо5уҥ!

Кылбаҥныыр уордьаҥҥа,
Кылыргыыр мэтээлгэ,
Кыайыы уот сарыала
Күлүмнүү умайа!
Ытыктааҥ, харыстааҥ
Ветеран дьоннору!
Олохтооҥ, тускулааҥ
Бочуоттаах дьоллорун!

Анисья Колесова идеята, устуута, таҥан оҥоруута.