СӨ Судаарыстыбаннаһын күнүн көрсө, Саха суругунан литературатын 125 сылыгар анаан балаҕан ыйын  26 күнүгэр Ньурба тыйаатырыгар Өксөкүлээх Өлөксөй айымньытынан Саха Өрөспүүбүлүкэтин ускуустубатын үтүөлээх диэйэтэлэ Юрий Макаров туруорбут  «Сүүһүн туолбут эмээхсин ырыата» испэктээк көрдөрүлүннэ.

         Испэктээк кэнниттэн буолбут көрөөччүлэри кытта кэпсэтиигэ артыыстар бэриллибит ыйытыктарга хоруйдаатылар,   «Большие гастроли»  бырагыраама чэрчитинэн Иркутскай уобалас Черемхово куоратыгар ыытыллыбыт гостуруол туһунан сиһилии кэпсээтилэр, санааларын үллэһиннилэр.      

Ньурбатааҕы С.Васильев аатынан элбэх хайысхалаах гимназия V-с кылааһын үөрэнээччилэрэ, «Сата» театральнай куруһуок иитиллээччилэрэ Иванова Июлия, Тарасова Дарина, Степанова Алгыстаана салайааччыларын Сандаара Игоревнаны кытта испэктээги көрөн санааларын тиэртилэр:

«Саңа тыйаатыр олус киэң, ыраас, улахан.  «Сүүһүн туолбут эмээхсин» туруорууну көрөн көрөөччү элбэҕи саныыр. Олох кылгаһын, кэрэтин, ыарахаттарын биир дьоруой нөҥүө  көрөбүт. Биһиги санаабытыгар, тыйаатыр уонна оскуола быстыспат ситимнээхтэр. Саха литературатыгар ааҕар айымньыларбытын сыанаҕа турбутун көрөн сөҕөбүт, ылынабыт. Хас биирдии дьоруойдары саҥаттан атыннык арыйабыт. СӨ Судаарыстыбаннаһын күнүгэр уонна  Саха суругунан литературатын 125 сылыгар анаммыт киэһэ уопсай хаартыскаҕа түһүүнэн түмүктэннэ. Оҕолоор, тыйаатырга сылдьыҥ, тыйаатыр эйгэтэ ураты тыыннаах!»